စိတ်ဒဏ်ရာတွေ
မနေ့က စာကြည့်တိုက် အပြင်ဖက်မှာ တစ်ယောက်တည်း စာထိုင်လုပ်နေရင်း တစ်ခုံကျော်မှာထိုင်နေတဲ့ မိန်းကလေးတစ်စုက လာတဲ့လမ်းမှာ လုံကြုံရေးတွေအများကြီးချထားတာ တွေခဲ့ရတဲ့အကြောင်းပြောနေကျတာကို မထင်မှတ်ပဲ နားထောင်နေမိတယ်။ ခဏအကြာ သူတို့မိတ်ဆွေ အကိုကြီးတစ်ယောက်ရောက်လာတော့လည်း သူ့တို့လမ်းထိတ်မှာ ဧည့်စာရင်းဝင်စစ်နေပြီး လူတစ်ယောက်ကို လိုက်ဖမ်းနေလို့ ကွေ့ရှောင်နေရလို့ ရောက်လာတာနောက်ကျတဲ့အကြောင်းကိုပြောနေတာ ထက်ကြားရပြန်ရော။
ကျနော်လည်း တစ်နေ့က အိမ်ပြန်တော့ လမ်းမှာလုံကြုံရေးယူထားတဲ့ ရဲနှစ်ယောက်ရှေ့ကဖြတ်သွားခဲ့တာကို မဆီမဆိုင်သွား သတိရသွားပြန်တယ်။ နောက်တော့လဲ မေ့မေ့ပျောက်ပျောက်ပဲ စာကြည့်တိုက်ထဲမှာ စာလုပ်ပြီး ညနေအိမ်မပြန်ခင် ပိုင်နဲ့ ကျောင်းကန်တင်းမှာ အကြောင်းအရာပေါင်းဆုံ လေပေါပြီအိမ်ပြန်လာခဲ့တယ်။
ကျနော့် မသိစိတ်က စွဲနေခဲ့တာဖြစ်မယ်။ ညအိပ်တော့ အိမ်မက်ထဲ လမ်းထိပ်မှာ အစောင့်ချထားတဲ့ ရဲနှစ်ယောက်ရှေ့ ကျနော် ဖြတ်လျှောက်တယ်တဲ့။ သူတို့ထဲက တစ်ယောက် ဝီဇီမှုတ်ပြီး ကျနော့်ကိုတားတယ်။ ကျနော်လည်း ခက်သွက်သွက်လမ်းလျှောက်ပြီး ပြေးဖို့ကြိုးစားတယ်ပေါ့။ နောက်တော့ သူတို့ကျနော်ကို့ စစ်ဆေးစရာရှိတယ်ဆိုပြီး ခေါ်သွားတယ်။ ကျနော်ကို အရပ်ဝတ် ဝတ်ထားတဲ့ အရာရှိတစ်ယောက်က အခန်းထဲမှာ မေးခွန်းတွေမေးတယ်။
ကျနော့်ရဲ့ နေ့စဉ်မှတ်တန်း အင်္ဂလိပ်ဘာသာစကားနဲ့ ရေးထားတဲ့ စာအုပ်ကသူဆီမှာရှိနေတယ်။ စာမျက်နှာတွေ တစ်ရွက်ပြီး တစ်ရွက်လှန်ပြီး စာအုပ်ထဲမှာပါတဲ့ အကြောင်းအရာနဲ့ပတ်သတ်တဲ့ မေးခွန်းတွေ ကျနော်ကိုမေးတယ်။ ကျနော်နဲ့သိတဲ့ မိန်းကလေးတစ်ယောက်ကို မထင်မှတ်ပဲ စာပွဲဝိုင်းမှာပြန်တွေ့တယ်။ ကျနော် စစ်ကြောရေးရောက်နေတာ ဘယ်သူမှ မသိသေးတဲ့အတွက် ကျနော့်အတွက် အပြင်မှာ speak out လုပ်ပေးဖို့သူကို တောင်းဆိုနေမိတယ်။ သူပြန်သွားတော့ ကျနော်နဲ့ အရာရှိပဲကျန်ခဲ့တယ်။ ကျနော်ကို့ မေးခွန်းတွေ ထက်မေးပြီး ပြန်လွတ်ပေးမယ်ပြောတယ်။ ဒါပေမဲ့ ပြန်လွတ်ဖို့ တော်တော်ကြာခဲ့တယ်။
ကျနော်နိုးလာတော့ လူကကြောင်နေတယ်။ ဘယ်လို့ အိပ်မက်ကြီးလဲပေါ့။ အဲ့အကြောင်းပဲ စဉ်းစားနေ့တော့ ဒီနေ့ကျောင်းကိုနောက်ကျမှရောက်တယ်။ ကျောင်းဆင်းအိမ်ပြန်တော့လည်း အိမ်မက်အကြောင်းကိုပဲ ထက်စဉ်းစားနေမိပြန်တယ်။ အရမ်းပင်ပန်းသလိုခံစားရပြီး ဖျားချင်လာသလိုဖြစ်လာတယ်။ အိမ်ရောက်တော့ အိပ်ယာပေါ်မှာလှဲရင်း ခဏအိပ်မယ် စဉ်းစားနေတုန်း တူလေးက ချောင်းဆိုးနေလို့ ဆေးဝယ်ပြီး သူ့ကိုလာပို့ခိုင်းပြန်တော့ နေမကောင်းဖြစ်ချင်နေတဲ့ကျနော် သူကိုဆီသွားပြီး ဂရုစိုက်ပေးရပြန်တယ်။
ညလိုင်းသုံးတော့ တော်လှန်ရေး ရဲဘော်တစ်ယောက် တစ်နေ့က ဧည့်စာရင်းစစ်ရင်းဖမ်းခံရတယ်ဆိုတဲ့ သတင်းကိုတွေ့လိုက်ရတယ်။ မနေ့က စာကြည့်တိုက်မှာ စာလုပ်နေရင်း နောက်ကျမှာ ရောက်လာတဲ့ အကိုပြောခဲ့တဲ့ လူတစ်ယောက်ကို လိုက်ဖမ်းနေတယ်ဆိုတာ ဒီရဲဘော်ကိုဖြစ်မယ်။ သူ့အတွက်လည်း စိတ်မကောင်းဖြစ်မိတယ်။ ကျနော့်တို့ နေထိုင်နေတဲ့ ကမ္ဘာငယ်လေးဟာ ကျနော်တို့အားလုံးအတွက် စိတ်ဒဏ်ရာတွေနဲ့ပြည့်နေပါလား။